Ons Storie

Sy Weergawe

Saterdag 26 Februarie was 'n groot dag op die kalender vir my, aangesien dit die dag was wat ek my eerste maraton sou hardloop (min wetende). Derick het my genooi om daardie aand saam hulle na Appel (die kunstenaar) se konsert by Nampo te gaan waar hy en Elri 'n tafel bespreek het. Lau Maré was die aand ook daar, genooi deur Elri. Met etenstyd het Lau Maré vir my gaan skep en ons het vir die eerste maal langs mekaar gesit. Ons het dadelik baie lekker aan die gesels geraak. 'n Paar maande later het ons op ons eerste "date" gegaan waarna ek heeltemal verlief en verlore was, and the rest is history.

Haar Weergawe

Wie sou kon dink dat ek die man van my drome by 'n Appel konsert in die Nampo saal sou ontmoet, maar ek het vele kere in my lewe al besef die Here werk op interessante maniere (en plekke).

Dit was 26 Feb 2022. Ek was genooi deur een van my vriendinne om saam aan hulle tafel te sit by die konsert. Min wetend dat daar gekonkel was om my voor te stel aan die aantreklike ou met die groen oë wat oorkant my gesit het.

Dit het begin soos elke ander ontmoeting - deur 'n vrou wat kos aandra agter 'n man aan. Nadat ek aangesê is (deur Elri) om vir Henk kos te gaan skep,het ons begin gesels en dis toe wat ek besef het... nie net aantreklik nie, maar 'n mooi persoonlikheid ook en boonop nog iemand wat hou van die natuur en aktief wees. Die begin van 'n Groot avontuur!